SERBI– Naser Kelmendi, i cilësuar si “BOSSI” i drogës në Ballkan, është vënë në pranga mesditën e sotme në Serbi. “Novosti.sr” shkruan se Kelmendi është arrestuar në hyrje të qytetit të Loznicës, rreth orës 13:30 të ditës së sotme.
Konkretisht, Kelmendi është parë në një hotel në hyrje të Loznicës mesditën e sotme. Pikërisht në këtë moment, disa mjete të policisë janë nisur për të shkuar në hotelin ku ishte Kelmendi.
Mediat serbe shkruajnë se efektivët e kanë arrestuar Kelmendin por nuk i kanë gjetur asgjë që mund ta lidhë me ndonjë krim të kryer. Ende nuk dihet arsyeja që e çoi policinë të arrestonte Naser Kelmendin, pasi nuk ka dalë as komunikata zyrtare.
Naser Kelmendi është shqiptar i lindur në Kosovë. Ai është biznesmen i vënë në listën e zezë nga Shtetet e Bashkuara të Amerikës, pasi njihet si një nga tregtarët më të mëdhenj të drogës në Ballkan. Vetë Kelmedi i ka mohuar gjithmonë këto akuza.
Comments